दिंडोरी प्रणित प्रकाशणे

श्री स्वामी चरित्र सारामृत

(मराठी, हिंदी, इंग्रजी, गुजराती,तेलगु, व कन्नड)
श्री स्वामी चरित्र सारामृत- श्री स्वामी चरित्रसारामृत हा ग्रंथ श्री स्वामी सेवा मार्गातील नित्य उपासनेचा अतिशय महत्त्वपुर्ण ग्रंथ आहे. या अमृततुल्य ग्रंथात भगवान श्री स्वामी समर्थ महाराजांचा अद्भूत लीलांपैकी काही लीलांचा समावेश यात केला आहे. या ग्रंथाचे १०८ पारायणे केल्यास मनातील सर्व इच्छा पुर्ण होवून महाराजांचा कृपाशिर्वाद प्राप्त होतो. या ग्रंथांचे एकुण २१ अध्याय असून प्रत्येक सेवेकर्‍याने दररोज नित्य सेवेत या ग्रंथांचे क्रमशः तीन अध्याय किंवा एक अध्याय तरी रोज दिवसभरातून केव्हाही वाचन करावा.

श्री नित्यसेवा(विषेश,दैनंदिन)

(मराठी, संस्कृत,गुजराती, हिंदी व कन्नड)
नित्यसेवा, स्तोत्र व मंत्र या ग्रंथामध्ये प्रत्येक भाविक व सेवेकर्‍याने दररोज करावयाची सेवा तसेच विशेष प्रसंगी करावयाची विशेष सेवा सविस्तर दिलेली आहे. त्यात विार्थांपासून तरुण ते वृद्धव्यक्तींनी करावयाची सेवा-स्तोत्र, मंत्र, सुक्त, अथर्वशीर्ष तसेच निरनिराळ्या देवतांची विशेष सेवाही या ग्रंथात दिलेली आहे. तसेच विविध देव देवतांच्या आरत्या व त्यांची करावयाची उपासना या ग्रंथात समाविष्ट करण्यात आली आहे.

श्री दुर्गा सप्तशती

(मराठी,संस्कृत, हिंदी, गुजराती व कन्नड)
श्री दुर्गा सप्तशती हा ग्रंथ प्रत्यक्ष माता भगवतीने नाशिक जिल्ह्यामधील सप्तश्रृंगी गडावरती मार्कंडेय ऋषींना सांगितला आहे. हा ग्रंथ ७०० ओव्यांमध्ये असल्याने सप्तश्रृंग हे नाव पडले. या ग्रंथाचे सद्गुरू प.पू. मोरेदादांनी हा अतिशय शक्तिशाली ग्रंथ दिंडोरी दरबार येथे प्रकाशित करून लाखो भक्तांना भगवतीची अतिउध सेवा उपलब्ध करून दिली. या ग्रंथाच्या पाठामुळे (वाचनामुळे) सर्व प्रकारच्या समस्या विशेष करून विवाह समस्या, संतती विषयक समस्या, वास्तुविषयक समस्यांचे निवारण होते. या शक्तिशाली ग्रंथाच्या सामुहिक वाचनामुळे गावावरील तसेच देशावरीलही अनिष्ट दूर केली जातात. श्री स्वामी सेवा मार्गातून प्रकाशित केलेल्या या ग्रंथामध्ये संपूर्ण सप्तशती पाठाची माहिती सांगितली आहे.

श्रीमद् गुरूचरित्र

(मराठी व गुजराती)
श्री गुरूचरित्र हा पाचवा वेद म्हणून मानला जातो. या वेदरूप ग्रंथात भगवान दत्त महाराज-श्रीपाद श्रीवल्लभ महाराज-श्रीनृसिंहसरस्वती महाराज यांच्या अगाध लीलांपैकी काही लीलांचा समावेश केला आहे.अति दुःखी व पीडित तसेच विविध बाधांनी (करणी, भानामती इतर) त्रस्त झालेल्यांनी या ग्रंथाचे पारायण केल्यास प्रत्यक्ष दत्त महाराज त्याचे दुःख निवारण करतात. या ग्रंथाचे ज्या ठिकाणी पारायण केले जाते, त्या जागेचे अत्यंत पवित्र जागेत रुपांतर होवून प्रत्यक्ष दत्त महाराज तेथे वास करतात. या ग्रंथाचे प्रत्येक कुटुंबात दरमहा एक पारायण किंवा प्रतिवर्षी तीन पारायण केल्यास घरात सुख, शांती, समृद्धी चिरःकाल टिकते.

सुलभ भागवत

भगवान श्रीकृष्णाच्या जीवनचरित्रावर आधारित हा अतिशय महत्त्वाचा ग्रंथ असून यात भगवान श्रीकृष्णांच्या असंख्य लीलांचे वर्णन केलेले आहे. या ग्रंथाचे वर्षातून एकतरी पारायण व्हावे अशी अपेक्षा आहे. या ग्रंथाच्या पारायणाने अनेक प्रकारचे दोष निवारण होवून प्रत्यक्ष भगवान श्रीकृष्णांची कृपा लाभते.

तेजोनिधी

(मराठी,कन्नड, बंगाली, गुजराती व हिंदी)
तेजोनिधी ग्रंथ म्हणजे सद्गुरू प.पू. मोरेदादांचे केवळ जीवन चरित्र नाही तर त्यांच्या अमृतमय वाणीतील बोधामृत व श्री स्वामी समर्थ सेवा मार्गाचे तपशीलवार अनमोल मार्गदर्शनच आहे. या मार्गाचे मूळ अधिष्ठान असलेले भगवान श्री दत्त महाराज, श्रीपाद श्रीवल्लभ, श्रीनृसिंहसरस्वती, श्री स्वामी समर्थ महाराज, प.पू. पिठले महराज, सद्गुरू प.पू. मोरेदादा या गुरूप्रणालीची सविस्तर माहितीदेण्यात आली आहे. सद्गुरू प.पू. मोरेदादांचे जन्मस्थळ व बालपण त्यांना झालेली सद्गुरूंची भेट आणि तेव्हापासून झालेली सेवा मार्गाची वाटचाल याचाही तपशिल देण्यात आलेला आहे. या ग्रंथांचे मुख्य वैशिष्ट्ये म्हणजे सद्गुरू प.पू. मोरेदादांचे हस्ताक्षर व त्यांची बोधवचने. असा हा अनमोल पवित्र ग्रंथ प्रत्येक सेवेकर्‍याने वाचलाच पाहिजे. या ग्रंथांच्या अभ्यासातून या सेवामार्गाचे गुह्यतम रहस्य समजून निष्ठावान सेवेकरी तयार होवू शकतो. ज्या सेवेकर्‍याने हा ग्रंथ वाचला नाही तो सेवेकरी म्हणून अपुर्णच राहिल्यासारखा आहे.

युगपुरुष प.पू. गुरुमाऊली ग्रंथ

(खंड १ व २)

श्री नवनाथ भक्तिसार

हा ग्रंथ म्हणजे श्री नवनाथ महाराजांचे पारायण होय.

ज्ञानदान भाग- १,२,३ व ४

( गुजराती: भाग- १)
श्री स्वामी समर्थ सेवा मार्गातून दरवर्षी एक विशेषांक प्रकाशित होत असतो. या विशेषांकामध्ये हिंदू संस्कृती, भगवतीची उपासना, मानवी समस्या, सर्व प्रकारची शास्त्र (हस्तशास्त्र, वास्तुशास्त्र, अंकशास्त्र, ज्योतिषशास्त्र इ.) विविध बाधांवर उपाय, तोडगे, तंत्र, मंत्र, यंत्र तसेच इतर अतिशय अनमोल लेख मानवी समस्या दूर करण्यासाठी व ज्ञानात वाढ करण्यासाठी दिलेल्या आहेत.

श्री यज्ञविधी

या ग्रंथात यज्ञविधी या ग्रंथाची सविस्तर माहिती व कर्मकांड विधी दिलेली आहे. हा ग्रंथ संग्रही ठेवून अभ्यास करणारी व्यक्ती स्वयंपुरोहित होवू शकते. विधी मंत्रही वैदिक, पौराणिक व प्राकृतही दिलेले आहेत. सर्व मंडळाच्या आकृती व फोटोही उत्कृष्ट कागदावर रंगीत दिले आहेत. गणेश, मातृका, वास्तु, योगिनी, चंडीकलश, सर्वतोभद्र, ब्रह्म, क्षेत्रपाल, नवग्रह, रुद्र आदि सर्व प्रकारचे नित्याचे मंडळाची माहीती यात दिली आहे व तदनुषंगाने सर्व विधींचा तपशिलही दिला आहे. हा अनमोल ग्रंथ प्रत्येक सेवेकर्‍याच्या, धार्मिक व्यक्तीच्या घरी संग्रहास असणे आवश्यक भाग आहे.

भारतीय कृषी शास्त्र भाग- १,२,३

भारत हा शेतीप्रधान देश आहे. भारतातील बहुसंख्य जनता शेती हा व्यवसाय करते. प्राचीन परंपरेनुसार चालत आलेला हा व्यवसाय असून ते एक उपजिविकेचे साधन आहे. सेवा मार्गात गुरूकुल पीठ अंतर्गत कृषीविभाग असून त्यात नैसर्गिक शेती कशी करावी? शेतकर्‍यांना येणारे अडथळे पाण्याची टंचाई यावर मात करून कमीतकमी खर्चात नैसर्गिक व बहुगुणी शेती कशी करावी यावर संशोधन करून कृषीशास्त्र भाग १ हा शेतकर्‍यांना उपयुक्त ग्रंथ प्रकाशित केला आहे. या ग्रंथात विविध पिकांची लागवड जोड व्यवसाय ,दुग्ध व्यवसाय, वनिकरण, फुलशेती आणि तलाठी कार्यालयातील उपयुक्त माहिती दिली आहे. अनेक तज्ज्ञांनी या ग्रंथाला शेतकर्‍यांची गीता या नावाने संबोधले आहे. सर्व भारतीय शेतकर्‍यांनी या ग्रंथाचा अभ्यास करून शेंद्रिय देवतांचा सन्मानासह भूमिमातेची पूजा करावी.

भारतीय आयुर्वेद शास्त्र

(मराठी, हिंदी)
प्रसिद्ध चिकित्सा प्रभाकर या प्राचीन ग्रंथाच्याआधारे हा ग्रंथ तयार केला असून त्यात सर्वच लहान मोठ्या रोगांवर/आजारांवर घरगुती सहजसाध्य, अल्पकिंमतीच्या वस्तु वापरून करावयाची औषधे दिली आहेत. शिवाय वृक्षमुळ व बांध्याचे महत्त्व लंधनाचे नियम व आहार महत्त्व अशा सर्वसंबंधित सविस्तर बहुमोल माहिती दिली आहे. आजीबाईचा बटव्यासारखे हे पुस्तक प्रत्येकाच्या घरी असणे आवश्यक आहे.

श्री मल्हारी सप्तशती

या ग्रंथाचे पुरुषांनी दर रविवारी वाचन करून उपवास धरल्यास खंडोबाची अतिउध सेवा होते. तसेच पत्नीसह कुलदेवतांच्या (खंडेरावाच्या) मूळ ठिकाणी जावून वर्षातून एकदा तरी सन्मान करावा. मल्हारी महात्म्याचे पारायण करावे.

सेवा भगवान श्री शंकराची

भगवान शिव शंकराच्या अतिउध सेवेमध्ये रुद्र, शिवकवच, शिवमहिन्म स्तोत्र, शिवनामावली, शिवमंत्र, कालभैरवाष्टक, श्रीरामरक्षा या स्तोत्रांचा समावेश होतो. ही अतिशय महत्त्वाची स्तोत्र संस्कृत व प्राकृत भाषेमध्ये सेवा भगवान शंकराची या ग्रंथात दिली आहे. या सेवेमुळे व्याधी नाश आजारातून मुक्तता, व्यसनातून (दारू, मांसाहार, गुटखा, तंबाखू, धुम्रपान इ.) मुक्तता होवून भगवान शिवशंकराचा आशीर्वाद प्राप्त होतो.